Məntiqin dombalaq aşması və ya "qız"ın "qadın"a çevrilməsi (KÖŞƏ)

Elxan Məmmədov açıq döyüşə keçib. İndiyədək bacardığı qədər Ramin Musayevin əhatəsini daraltmaqla məşğul idi. Əvvəlcə “Neftçi”nin prezidenti Sadıq Sadıqovla PFL başqanı arasında soyuq müharibə başlatdı. Bir vaxtlar çox yaxın olan bu adamlar indi əks qütbdədirlər. Sadıqov seyt-not vəziyyətinə salındı və uzun müddətdir heç mətbuata da çıxa bilmir. Necə çıxsın axı? Baş katib “A planı”nı dostunu “Neftçi”yə gətirməklə uğurla tamamladı.
“B planı” PFL-i nüfuzdan salmaqdır ki, bunu da addım-addım icra edir. İki ay bundan əvvəl Klublar Komitəsi adlı məqsəd və məramı bəlli olmayan qurum yaratmaqla Musayevə ikinci ən ağır zərbə vuruldu. Doğrudur, Ramin bəy elə bizim sayta müsahibəsində də demişdi ki, Klublar Komitəsi PFL-ə rəqib deyil və ola bilməz. Ancaq əslində vəziyyətin nə yerdə olduğunu anlamaq çətin deyil. O başqa məsələdir ki, Klublar Komitəsi geridə qalan 2 aylıq fəaliyyəti dövründə faktiki olaraq heç bir iş görməyib, arada yığışıblar, danışıblar, dağılışıblar. Elxan Məmmədov isə deyir ki, cavan qurumdular, çox işləyirlər, hətta martda AFFA-nın Konfransında hesabat verəcəklər. Pardon, nəyin hesabatını? Axı bu adamlar hər dəfə yığışıb ancaq çay-kofe içməklə məşğul olublar. Bircə açıqlama göstərin ki, Komitə üzvlərinin hansısa əlahiddə qərar verdikləri söylənilsin. Varmı elə açıqlama? Şəxsən mən AFFA-nın Konfransına getsəm, məhz həmin hesabatı dinləmək üçün gedəcəm. 

Elxan Məmmədov deyir ki, PFL çətin vəziyyətdədir, hazırda ölkə futbolunun əsas problemi də milli çempionatdır. Bu yerdə bir lətifə deyim, kefiniz açılsın. 

Bir gün arvadının əlindən zinhara gələn bir kişi əllərini göyə açıb fəryad edir:
- İlahi, bu qızları belə gözəl, həyalı yaratdığın halda, qadınları niyə bu qədər ifritə, həyasız yaratmısan?!
Səmadan səs gəlir:
- Mən qızları yaratmışam, onları siz qadın etmisiniz!

10 il əvvəlki həyalı, qaradinməz baş katibi, yuxarıdakı “lətifənin təbirincə” desək, “arvad” edən elə Musayev olmadımı? Zamanında reaksiya vermədi, bostanına atılan daşları dinməz-söyləməz götürüb kənara qoydu. Bu da nəticəsi...

Gələk Elxan Məmmədovu o çox “narahat” edən məsələyə. Deyir ki, ölkə futbolunun əsas problemi milli çempionatdır. PFL-i həmişə tənqid eləmişəm, bu gün də eləyirəm. Hə, bu çempionat son illərin ən zəif çempionatıdır. Hə, Maliyyə durumu yaxşı deyil. Amma... Amma igidi öldürəndə haqqını vermək lazımdır axı. Elxan Məmmədovun bərk “narahat” olduğu milli çempionatımız UEFA-da 2008-ci ilə kimi 42-ci yerdə idi, bu gün 29-cu yerdədir; dünya üzrə 2008-ci ildə 106-cı yerdə idi, bu gün 43-dədir. Bəs sənin birbaşa cavabdeh olduğun milli komandalar hardadır, Məmmədov? Əsas yığmamız rəhmətlik Ramiz Mirzəyevin qoyub getdiyi yerdən 3 pillə yuxarıdadır – 136-da! Qvineya-Bissaunun, Lüksemburqun, Lixtenşteynin, Vyetnamın, Lesotonun, Maldiv adaları kimi balaca-balaca ada dövlətlərin “altındayıq” bu gün, xəbərin varmı, Məmmədov? Sən bunlardan danışmalısan, cənab baş katib. “Milli çempionat zəifdir, ona görə də yığmamız zəifdir” – deməyə də cəhd eləmə. Milli çempionata yerli futbolçuları sən verməlisən – yekə-yekə sponsor müqavilələri bağlayıb keçirtdiyin aşağı yaş qrupları üzrə çempionatlardan. Hanı keçirtdiyin U-19 liqasında üzə çıxan futbolçular? Hanı U-16, U-17 liqasının üzə çıxartdıqları? Deyəcəksən, üzə çıxarmışıq, klublarımız oynatmırlar? Onda da kontr-sual gələcək ki, üzə çıxara bilmisizsə, bu yaş qrupu üzrə yığmalarımızda rus, dağıstanlı, türk əsilli futbolçular nə gəzirlər? Və bir ucdan gətirirsiz bunları. Məntiqin dombalaq aşmaqlığı budu e, dədə bala..                                    
Saleh Arslan



 


 

Tarix: 4 Fevral [18:35]
Oxunub: 496 dəfə
Müəllif: Aut.az

Bordin xilaskardırmı?

Aut.az

“Xəzər Lənkəran”a vurulan “dubinka”

Aut.az

Əsgər harayı - YAZI

Aut.az

Qara, qapqara və qarabala

Aut.az

Zaur Axundovun işgüzar imici

Aut.az

Ay dalay-dalay, xırdala!

Aut.az

Böyük tumanın altındakılar

Aut.az

Ceyhun Sultanovun uşaqlıq arzusu

Aut.az

Ramin Musayevin “anekdot”u

Aut.az

“Neftçi”də oynamaqdansa...

Aut.az