“Qarabağ” “Ayaks”la qarşılaşa bilər

Növbəti mövsüm Azərbaycanı Çempionlar Liqasında təmsil edəcək “Qarabağ”ın I təsnifat mərhələsindəki daha bir potensial rəqibi müəyyənləşib. Bu, “Valetta”nın səbətinin dəqiqləşməsi ilə baş verib. Malta çempionu səpələnməmişlər səbətində yer alacağı üçün “Qarabağ”ın potensial rəqibləri sırasındadı. Ümumilikdə onların sayı hələlik 10-du, daha 6-sı da əlavə ediləcək:
 
“Valetta” (Malta), “ÇFR Kluj” (Rumıniya), “Ferensvaroş” (Macarstan), “Nomme Kalyu” (Estoniya), “Partizani” (Albaniya), “Valyur” (İslandiya), “Linfild” (Şimali İrlandiya), “Torsxavn” (Farer adaları), “Riqa” (Latviya), “Saburtalo” (Gürcüstan).
 
Sürpriz baş verməsə və Ağdam klubu II təsnifat mərhələsinə yüksəlsə, burda da təmsilçimizi “dişinə görə” rəqiblər gözləyir. Çünki “atlılar” yenə səpələnmişlər sırasında yer alacaq.
 
III mərhələdə isə vəziyyət dəyişəcək. Ora qədər gedəcəyi halda (ki, rəqiblərin gücünə görə bu, kifayət qədər inandırıcıdı) “Qarabağ” böyük ehtimalla səpələnməmişlər səbətində yer alacaq. Əks halın baş verməməsi üçün I və II təsnifat mərhələsində çoxlu sürprizlər yaşanmalıdı. Bu isə o qədər də inandırıcı deyil. III mərhələdə səpələnmişlər sırasında yer alıb, rəqiblərini gözləyən ilk komanda da bəllidi. Bu, Çempionlar Liqasında son mövsümün yarımfinalçısı, ötən gün Hollandiyada çempionluğunu rəsmiləşdirən “Ayaks”dı. Başqa sözlə, son mövsüm ÇL-də “Real”, “Yuventus” kimi komandaları mübarizədən kənarlaşdıran Amsterdam klubu indi III təsnifat mərhələsində “Qarabağ” üçün potensial rəqibdi.
Tarix: 16 May [10:20]
Oxunub: 77 dəfə
Müəllif: Aut.az

"Qarabağ" darmadağınla qalib gəldi

aut.az

Futbolçu itkin düşüb - Azərbaycanda

Aut.az

"Neftçi"nin sabiq futbolçusu Region Liqasında

Aut.az

“Qarabağ”ın 200 minlik təklifini qəbul etmədilər

Aut.az

Region Liqasına qeydiyyat başladı

Aut.az

“Qarabağ” bizim qanımızı içmək istəyəcək” - “Linfild”in baş məşqçisi

Aut.az

Riad Rəfiyev AFFA-ya üsyan etdi: “Hakim qərəzli idi”

Aut.az

“Sabah” “Keşlə”yə, “Qarabağ” “Qəbələ”yə qarşı - BU GÜN

Aut.az

“Sumqayıt” “Səbail”ə böyük hesabla uduzdu

Aut.az

“Neftçi”nin futbolçusu Qvineya yığmasında

Aut.az