Millimizin heyəti bilindi: Yurçeviç 4 dəyişiklik etdi

Bu gün Litva ilə yoldaşlıq görüşü keçirəcək Azərbaycan millisinin start heyəti bəlli olub. 
 
Matc.az saytının əldə etdiyi məlumata görə, baş məşqçi Nikola Yurçeviç bəzi dəyişikliklərə əl atıb.
 
Belə ki, xorvatiyalı mütəxəssis AVRO-2020-nin seçmə mərhələsində Xorvatiya ilə (1:2) dörd gün öncə baş tutan görüşlə müqayisədə 4 əvəzləməyə əl atıb.
 
Qapıda yenə Səlahət Ağayev dayanacaq. Müdafiə xəttində iki dəyişiklik olub. Mərkəzdə Bədavi Hüseynova Anton Krivotsyuk tərəfdaşlıq edəcək. Kapitan Maksim Medvedev sağ cinahdakı yerini tutacaqsa, solda bu dəfə Təmkin Xəlilzadəyə şans veriləcək.
 
Yurçeviç orta sahəyə əl vurmayıb. Belə ki, Qara Qarayev - Riçard Almeyda - Eddi İsrafiov "trio"su yenə iş başında olacaq.
 
Ancaq hücum xəttində də 2 dəyişiklik diqqət çəkir. Baş məşqçi Rüfət Dadaşovu mərkəz hücumçusu qismində oynadacaq. Cinahlarda isə ona Ramil Şeydayevlə Araz Abdullayev kömək edəcəklər.
 
Yığmamızın start heyəti: Səlahət Ağayev - Bədavi Hüseynov, Anton Krivotsyuk, Maksim Medvedev, Təmkin Xəlilzadə - Qara Qarayev Eddi İsrafilov, Riçard Almeyda - Araz Abdullayev, Ramil Şeydayev, Rüfət Dadaşov.
 
Qeyd edək ki, "Bakcell Arena"da keçiriləcək Azərbaycan - Litva oyunu 18:00-da start götürəcək.
Tarix: 25 Mart [15:10]
Oxunub: 43 dəfə
Müəllif: Aut.az

Federasiya millimizin üzvünə xəbərdarlıq edəcək

Aut.az

“Qəbələ” “Zirə”ni məğlub yola saldı

Aut.az

Mahir Mədətovdan alqışalayiq jest - FOTO

Aut.az

Mədətovla Medvedevdən yubiley

Aut.az

“Qarabağ”dan mövsümün rekordu

Aut.az

“Qarabağ”ın təxirə salınan matçının vaxtı bilindi

Aut.az

Maksim Medvedevin 400-ü - FOTOLAR

Aut.az

"Neftçi" məsələsi real deyil" - Miçel

Aut.az

"Keşlə"nin kapitanından qumar açıqlaması

Aut.az

Millimizin üzvü qəlyan çəkib paylaşdı - FOTOLAR

Aut.az