Rusiya sanksiya tətbiq etdi - “Qarabağ”ın rəqibinin fəxri prezidentinə

Rusiya hökuməti Ukrayna Futbol Federasiyasının (UFF) prezidenti Andrey Pavelkoya qarşı sanksiya tətbiq edib.

Ukrayna Ali Radasının deputatı da olan milli assosiasiya rəhbərinin adı Rusiyanın baş naziri Dimitri Medvedevin bu ölkənin 322 fiziki və 68 hüquqi şəxsinə qarşı yönələn tədbirlər barədə imzaladığı qərarda yer alıb.
Ümumilikdə “qara siyahı”ya Ukrayna futbol sektorunda rəhbər post tutan 8 nəfər düşüb. Pavelko ilə yanaşı, UFF-nin 3 vitse-prezidenti - Aleksandr Qereqa, Konstantin Yeliseyev və Sergey Kunitsın (eyni zamanda "Tavriya"nın prezidenti), eləcə də Avropa Liqasında “Qarabağ”la eyni qrupda yer alan “Vorskla”nın fəxri prezidenti Konstantin Jevaqoya qarşı da sanksiya tətbiq olunub. Həmçinin, “Dnepr-1”in rəhbəri Yuri Beryoza, “Zarya”nın prezidenti Yevgeni Geller və Kiyev Futbol Federasiyasının başçısı Yaroslav Moskalenko da analoji durumla üzləşib.

"Forbes"un hesablamalarına əsasən, Jevaqonun əmlakı 1,6 milyard dollardır. O, milyarderlər siyahısında 1477-ci yerdə qərarlaşıb. "Vorskla"nın fəxri prezidenti 2014-cü ildə Krımın Rusiyaya birləşdirilməsinə qədər Kerçdə "Körfəz" gəmiqayırma zavodunun sahibi olub. Hazırda o, metallurgiya, maşınqayırma, nəqliyyat, farmakologiya, gəmi-tikinti, energetika, sığorta, məişət sənayesi sahəsində müəssisələri özündə birləşdirən "Maliyyə və kredit" qrupuna rəhbərlik edir.

Bu şəxslərə qarşı pul vəsaitlərinin dondurulması və kapitalın çıxarılmasına qadağa qoyulmasını nəzərdə tutan iqtisadi sanksiyalar tətbiq olunub.

“Vorskla” Bakıdakı ilk oyunda “Qarabağ”ı 1:0 hesabı ilə məğlub edib. Bu komandalar arasında cavab matçı noyabrın 8-də Ukraynada keçiriləcək.

Tarix: 2 Noyabr [16:30]
Oxunub: 121 dəfə
Müəllif: Aut.az

"Real" PSJ üçün kabusa çeviriləcək: hədəf kimdir?

Aut.az

Ölən futbolçunun transferində razılıq əldə olundu

Aut.az

Millinin sabiq futbolçusu 1 kq kokainlə yaxalandı - FOTO

Aut.az

Vəhşcəsinə öldürülən futbolçunun ailəsindən şok açıqlama

Aut.az

Günün oyunları – TV

Aut.az

“Fənərbaxça” "Zenit"ə, “Qalatasaray” "Benfika"ya qarşı - BU GÜN

Aut.az

Kumanın yeni iş yeri məlum oldu

Aut.az

“Vorskla" liqadan kənarlaşdırılır

Aut.az

Maluda məşqçiliyə başladı

Aut.az

PSJ ulduz futbolçunu komandadan göndərdi - RƏSMİ

Aut.az