“Qarabağ” layiqli oyun nümayiş etdirdi - Tahir Gözəl

“Qarabağ”ın vitse-prezidenti Tahir Gözəl Avropa Liqasının qrup mərhələsi çərçivəsində İngiltərənin “Arsenal” klubu ilə matçdan (0:3) sonra jurnalistlərin suallarını cavablandırıb.

Klub rəsmisi əvvəlcə oyun barədə fikirlərini bildirib:

“Qarabağ” Azərbaycan adına layiqli bir oyun nümayiş etdirdi. Hesab edirəm ki, nəticə oyunun gedişatını əks etdirmir. Yaxşı pressinq tətbiq etdik. Düşünürəm ki, bu axşam komandamız “Arsenal” fanatlarının da könlünü fəth etməyi bacardı. Uduzsaq belə, “Qarabağ”ın adını İngiltərəyə də, bütün dünyaya da eşitdirdik! Bu möhtəşəm stadionda dünya nəhənglərini qəbul edirik. Bu, özlüyündə böyük bir nailiyyətdi”.

İsveçrədə yaşayan vitse-prezident Azərbaycana bu oyuna görə gəlib-gəlməməsinə dair sualı belə cavablandırıb:

“Azərbaycana tez-tez gəlirəm. Deyərdim ki, ayın 2 həftəsini Bakıda oluram. Ancaq əlbəttə ki, oyun da olduqca önəmli idi. Biz bu gün tarixi hadisəni yaşadıq və bu tarixin bir parçası olduq. Hesab edirəm ki, bu oyun heç vaxt unudulmayacaq. Özü də tək azərbaycanlılar tərəfindən yox, həm də “Arsenal” azarkeşləri tərəfindən. Xüsusilə, ilk 45 dəqiqə əla alındı”.

Sonda o, daha bahalı oyunçuların alınmamasına dair fikirlərini bölüşüb:

“Gəlirlərimizin böyük hissəsi bir sponsor tərəfindən əldə edilir. Demək olar ki, komandanın media gəlirləri yoxdu. Azarkeşlərimizin əksəriyyəti məcburi köçkünlər olduğu üçün bilet gəlirlərimiz elə də çox deyil. Biz bu gün büdcələri bizdən qat-qat çox olan klublarla mübarizə aparırıq. Hədəfimiz bütün güclü komandalara qalib gəlmək deyil, eyni zamanda Azərbaycan ruhunu, Qarabağ adını bütün dünyaya çatdırmaqdı. İnandırım sizi, bizi alqışlayırlar. İtaliyanın “İnter” klubu ilə oyunda bizə qarşı olan haqsızlığa hətta İtaliya mediası belə biganə qalmamışdı. Onlar da bizə haqsızlıq edildiyini düşünürdülər”.

Tarix: 5 Oktyabr [13:00]
Oxunub: 120 dəfə
Müəllif: Aut.az

UEFA prezidenti erməninin Bakıya gəlməməsindən danışdı

Aut.az

Paytaxtın mərkəzindəki hotellər Avroliqanın oyunu ilə bağlı 100 faiz bron edilib

Aut.az

Bəxtiyar Soltanov 29 yaşında məşqçiliyə başladı

Aut.az

“Qarabağ”ın bütün potensial rəqibləri – Çempionlar Liqası

Aut.az

Kim gəlir, kim gedir? - YENİLƏNİR

Aut.az

"Sabah" Təhsil Liqasının qalibi oldu

Aut.az

Gəncəli veteran: "Nə vaxtsa futbolçu olduğumuz heç kimin yadına düşmür"

Aut.az

Nazir açıqladı: "Bakıya 30 mindən çox azarkeş gələcək"

Aut.az

Ağdamdan Ankaraya...

Aut.az

“Qəbələ” Qriqorçukun bütün kadrlarını göndərdi

Aut.az