Cavadov məktəbi iflic durumda: 200-ə yaxın uşaq “Bakı”nın bazasına buraxılmır

Uşaq liqalarında yeni mövsüm başlamaq üzrədi. Amma İsgəndər Cavadov adına futbol məktəbinin komandalarının taleyi hələ də müəyyənləşməyib.
 
Buna səbəb məktəbədə toplaşan 200-ə yaxın uşağın məşq edə bilməməsidi. Onlar “Bakı” klubunun akademiyasına buraxılmır.
 
Bu baza mübahisə meydanıdı. Hafiz Məmmədova məxsus olan baza məhkəmə yolu ilə onun əlindən alınır. Obyektin tikildiyi torpaq sahəsi başqasına məxsusdu və həmin şəxslər məhkəmədə prosesi udub. Ərazidəki əmlakın sahibi olan Məmmədov indi buranı boşaltmalıdı. İş orasındadı ki, Hafiz bəy borclara görə hətta bazanı, torpağın üzərində tikdiklərini də itirə bilər.
 
Kəsəsi, qarışıq məsələdi və bazada bununla bağlı işlər iflic olub. Kimin haqlı olması ilə işimiz yoxdu, amma faktiki bazaya kimsənin girməsinə icazə verilmir. Buradakı meydançada məşq edən “Qəbələ” də bir neçə gün bazaya buraxılmadı, sonradan xüsusi icazə ilə çalışmalara davam etdilər.
 
Amma uşaq komandaları ilə bağlı məsələ fərqlidi. Bazanın gələcək sahibləri komandaları bura yaxın qoymur və prosesin yekunlaşması üçün uyğun zamanı gözləyirlər. Belədə zərbə uşaqlara dəyir. Yeni mövsüm başlayır, məktəbin komandaları məşq etmir, onların yarışa qatılıb-qatılmayacağı da sual altındadı.
 
AFFA İcraiyyə Komitəsinin üzvü olan Cavadov da problemin həllində acizdi. Halbuki bu məktəb onun gözü önündə biabır olan milli komandalarımıza namizəd yetişdirmək üçün açılmışdı. AFFA da hadisələrdən xəbərdardı, problemin həlli üçün heç bir iş görə bilmir. Bazanın yeni sahibləri ilə danışıb, uşaqlara məşq etmək üçün şərait yaradılması istənə və ya məktəb başqa uyğun yerə köçürülə bilər. Lakin heç bir əməli addım atılmır. 200 yaxın uşağın gələcək karyerası, eyni zamanda təhsili sual altına düşüb.(futbolinfo)
Tarix: 13 Sentyabr [15:20]
Oxunub: 97 dəfə
Müəllif: Aut.az

Azərbaycan Premyer Liqasında IV turun rəmzi komandası

Aut.az

Tahir Süleymanov həqiqəti dedi: “Əcnəbilər yaşıl "paçka"larından imtina etməzlər”

Aut.az

Musayev vurnuxur, Məmmədov izləyir

Aut.az

"Qarabağ" - "Arsenal" matçının biletləri satışda

Aut.az

Babək Quliyev həmkarını hədələdi: “Ay tupoy, ağıllı olmasan...”

Aut.az

"Qarabağ"ın son məşqi - FOTOLAR

Aut.az

Millimiz FIFA reytinqində 3 pillə gerilədi

Aut.az

“Sportinq”dən “Qarabağ”la oyun üçün azarkeşlərə müraciət

Aut.az

“Qarabağ” “Sportinq”ə qarşı - BU GÜN

Aut.az

"Qarabağ"ın Avropada oynaması böyük üstünlükdür" - Qurban Qurbanov

Aut.az