Gürcüstanda danışılmış oyunlarda iştirak edən futbolçular cəzalandırıldı - VİDEO

Gürcüstanın "Kolxeti-1913" klubunun 5 futbolçusu 6 aylıq diskvalifikasiyaya məruz qalıb.
 
Bu barədə Gürcüstan Futbol Federasiyasının (GFF) İntizam Komitəsi qərar qəbul edib. Müdafiəçi Laşa Qoqonaya, Georgi Kilasoniya və Tornike Jimşeleişvili, eləcə də yarımmüdafiəçi Boris Maxaradze və Zubari Arziani danışılmış oyunlarda iştirak və oyunun nəticəsini dəyişməyə cəhddə şübhəli bilinirlər.
 
İyunun 29-da "Kolxeti-1913"ün evdə Tbilisi "Dinamo"suna 3:6 hesabı ilə uduzduğu Gürcüstan çempionatının XVII tur matçı bukmeyker kontorlarında şübhə doğurub. "bwin" şirkəti hesab 1:0 "Kolxeti-1913"ün xeyrinə olduğu vaxt "Dinamo"nun qələbəsi üçün inanılmaz dərəcədə böyük pul qoyuluşları edilməyə başlayıb. Tbilisi komandası axırıncı 3 qolunu sona 8 dəqiqə qalmış vurub.
 
Şirkət pul qoyuluşlarının sayı və məbləğinin "böyük beşlik" çempionatlarındakı oyunların göstəriciləri qədər olduğunu, habelə istifadəçilərin bloklandığını Avropa İdman Təhlükəsizliyi Assosiasiyasına (ESSA) çatdırıb. ESSA öz növbəsində əməkdaşlıq etdiyi UEFA-nı, Avropa futbol qurumu isə GFF-ni bu oyunun şübhəli olduğuna dair məlumatlandırıb.
 
Qonşu ölkənin milli asssosiasiyası oyunçularla yanaşı, klubu da cəzalandırıb. Qərara əsasən, "Kolxeti-1913"ün aktivindən 6 xal silinib. Bununla da Poti komandası 8 xalla sonuncu - 10-cu pilləyə enib.
 
Qeyd edək ki, hazırda "Qəbələ"də çıxış edən Rasim Ramaldanov 2016-cı ilin iyulunda 2017-ci ilin yanvarınadək "Kolxeti-1913"ün formasını geyinib.

 
Tarix: 5 İyul [11:40]
Oxunub: 123 dəfə
Müəllif: Aut.az

Futbolçudan müsəlmanlara böyük dəstək - VİDEO

Aut.az

"Qarabağ" belə qalib gəldi - VİDEO

Aut.az

Ansi Aqollinin Azərbaycan dilində vida sözləri - VİDEO

Aut.az

Stadiona ildırım düşdü, 1 nəfər həlak oldu - VİDEO

Aut.az

"Kəpəz" - "Sabah-2" 0:1 - VİDEO

Aut.az

"Səbail-2" - "Qarabağ-2" 0:2 - VİDEO

Aut.az

"Sumqayıt-2" - MOİK - 1:2 - VİDEO

Aut.az

"Neftçi"dən qovulan futbolçu "Fənərbaxça"ya 2 qol vurdu - VİDEO

Aut.az

Şeydayev Premyer Liqada qol hesabını açdı - VİDEO

Aut.az

2 azarkeş öldü - VİDEO

Aut.az