"Sabah" AFFA-nın baş katibinə nə vəd edir?

Elxan Məmmədov o günü iplə çəkirdi.
 
Bəlkə nəzir-niyaz da demişdi. Bilmirəm.
 
Bildiyim odu ki, «Kəpəz»in kələyini kəsmək üçün sadəcə və sadəcə, fürsət gəzirdi. O məqam yetişdi, komanda sonuncu yeri tutdu və AFFA-nın baş katibinin yadına düşdü ki, idman prinsipləri adlanan nəsə bir zad var və onu qabağa verib, Gəncəni Premyer Liqasız qoymağın, Diviziona - arxaya atmağın vaxtıdı.
 
Hörmətli zat için-için yanırdı, partlayırdı. Keçən ilin oktyabrında baş verənləri o, necə unuda bilərdi? Təpəsindən tüstü çıxmışdı az qala. Maxinassiyaların hamısının üstü birdən-birə, bircə-birçı açılmış, adamlarının hamısını tək-tək «dənləmişdilər». Məmmədov bu hadisələr nəticəsində klubu faktiki olaraq itirdi. Elmar Vəliyevin yaxın çevrəsinə məğlubiyyətini həzm edə bilməsə də, hər halda dözməkdən, hadisələrin axarını izləməkdən savayı çarəsi də qalmamışdı. 

O, diplomatiyanın ən axırıncı yollarına da baş vuran katibdi. Təki qazanc yer(lər)i olsun! Ay Premyer Liqa ölkə çempionatı olmaqdan çıxıb Bakı birinciliyinə döndü, ay nə oldu, nə olmadı - umrunda da deyil deyilənlər. Gəncənin timsalında qərb regionunun böyük futbolsuz qalması onu niyə narahat etsin, yuxusunu qaçırsın ki? Rəsmən Bakı çempionatında iştirak edənlərdən öz «pay»ını alır, sözəbaxmayan, mərkəzdənqaçma siyasətinə qullaq eləyənlərlə sözü düz gəlməz. 

Elxan Məmmədovva «dolya» çatmalıdı. Çatdırmayanların aqibəti «Kəpəz» kimi olur. Ələ keçirdiyi klublara yerləşdirdiyi kadrlar özlərini «tərbiyəli toyuq»dan da yaxşı aparır, «Kəpəz»də kimi idi onun sözunə qulaq verən? 

İntiqamını aldı. Oktyabrda taxta qapısını döyənlərin dəmir darvazasını mayda təpiklə açan Elxan Məmmədova «Sabah» hər mənada əl verir. Burdakılar köhnə çevrəsinə daxil insanlardı. Onlardan özünə qarşı təhlükə gözləmir. Altdan-altdan nə iş görsə də, tüstüsü kənara yayılmayacaq.
 
«Kəpəz»də belə deyildi, nəzarət güclənmişdi. İndən belə istəsəydi də, «Kəpəz»dən qazana bilməzdi. Bir dəfə əli pis yandı axı.(sportinfo)
 
Yumurtadan yun qırxmaq üzrə «master» dərəcəsinə yiyələnmiş baş katibə «Sabah» sabah çox şey vəd edir. Yağ-pendir, qatıq-süd, lüləkabab, tikəkabab, dana basdırması, quzu quyruğu və.s və ilaxır.
Tarix: 14 May [20:20]
Oxunub: 172 dəfə
Müəllif: Aut.az

"AVRO-2021": Azərbaycan millisinin rəqibləri müəyyənləşdi

Aut.az

MOİK-lə "Sumqayıt"dan qələbə, "Qaradağ Lökbatan" uduzdu

Aut.az

Zaur Tağızadə üçün əlamətdar gün

Aut.az

Avroliqanın finalına görə Bakıya gələcək ulduz futbolçuların adları açıqlandı

Aut.az

Azərbaycanlı futbolçu Çexiyanın yüksək dəstə klubunda

Aut.az

Bakı klubu transferlərə niyə pul tapmayıb?

Aut.az

"Qarabağ" "Yuventus"la məzələndi - FOTO

Aut.az

"Energetik"in kapitanı AFFA və Mingəçevir rəhbərliyindən kömək istədi

Aut.az

"Qarabağ" "Sabah"la oyuna itkiylə hazırlaşır

Aut.az

Elxan Məmmədovun otelini işləədn hakim həm də AFFA nümayəndəsidir

Aut.az