Abbaszadəylə Abbasova qoyulan müəmmalı qadağa

Ötən ilin sonunda I divizion klubu “Xəzər”in baş meneceri təyin olunan Gündüz Abbaszadə buna qədər çalışdığı “CBC Sport” telekanalından ayrıla bilər. Təyinat rəsmiləşən vaxt Abbaszadənin paralel olaraq telekanalda şərhçiliyə davam edəcəyi açıqlansa da, bunun şahidi olmuruq.
 
Belə ki, onun bu addımı “CBC Sport” rəhbərliyinin ürəyincə olmayıb. Nəticədə Abbaszadə son vaxtlar Azərbaycan çempionatı ilə yanaşı, əvvəllər şərhçilik etdiyi İtaliya A seriyası və Türkiyə Kubokunun görüşlərinə də “təyinat almır”.
 
Apasport.az məsələ ilə bağlı telekanalın rəhbəri Volkan Üstün münasibətini öyrənməyə çalışıb. O, saytın əməkdaşının zənginə cavab versə də, nə ilə bağlı əlaqə saxladıqlarınə öyrəndikdən sonra səsi eşitmədiyini bildirərək, dəstəyi asıb. Gündüz Abbaszadə isə bu haqda danışmaq istəmədiyini bildirib: “Hələlik bu haqda danışmaq fikrim yoxdu”.
 
Maraqlıdı ki, buna qədər “CBC Sport”un başqa əməkdaşları paralel olaraq digər yerlərdə çalışsalar da, telekanaldakı fəaliyyətlərini davam etdiriblər. Elə indinin özündə də AFFA-da, digər federasiyalarda çalışanlar müxtəlif verilişlərə aparıcı kimi qatılır, şərhçilik edirlər. Belə olan halda, Gündüz Abbaszadəyə “Xəzər”ə gedişindən sonra qadağa qoyulması müəmmalı qalıb.
 
Eyni qadağa Emin Abbasova da qoyulub. Bildiyimizə görə, onların hər ikisi haqda hökmü Üstün ağası, AFFA-nın baş katibi Elxan Məmmədov verib. Cütlüyün AFFA-nın deyil, müstəqil iş adamlarının maliyyələşdirdiyi kluba yollanması Məmmədovun xoşuna gəlməyib. Baş katib bu qəzəbini son mətbuat konfransında da bildirdi. O, bu şəxslərin kluba yollanmasının mətbuatda qabardılmamasından gileyləndi.
Tarix: 14 Mart [15:20]
Oxunub: 130 dəfə
Müəllif: Aut.az

Bir qrupun əlində... - Azərbaycanda

Aut.az

“Qarabağ” liderə məğlub oldu

Aut.az

“Zirə”nin legioneri milliyə dəvət aldı

Aut.az

Vitse-prezidentlərin futbol sevgisi?

Aut.az

"Arsenal"dan "Qarabağ" azarkeşləri üçün ucuz biletlər

Aut.az

Azərbaycan - Bosniya və Herseqovina oyununun vaxtı açıqlandı

Aut.az

AFFA-nın “Niyə də yox?!”u mükafat aldı

Aut.az

İşıqlandırmada problem yarandı, “Qarabağ” PFL-ə müraciət etdi

Aut.az

Ləkəli lider... və ya “Neftçi”nin çempionluğu razılaşdırılıb?

Aut.az

Qurban Qurbanov: "İçəridə olan problemləri görürəm, bilirəm"

aut.az