“Qarabağ”ın ÇL-dəki qazancı müəyyənləşdi - MƏBLƏĞ

Çempionlar Liqasında (ÇL) mübarizəni dayandıran “Qarabağ”ın UEFA-dan alacağı vəsaitin təqribi məbləği məlum olub. 

Qitənin ən nüfuzlu klub turnirinin qrup mərhələsinə vəsiqə qazanan ilk Azərbaycan komandası 16 milyon avro əldə edəcək.

2015 - 2018 kommersiya tsiklində gəlirlərin bölüşdürülmə sxeminə əsasən, ÇL-in qrup mərhələsinə vəsiqə qazanan bütün klublara 12,7 milyon avro ödəniləcək. Qrup mərhələsində isə qələbəyə görə 1,5 milyon, heç-heçə üçün isə 500 min avro veriləcək. Hər bir heç-heçədən qalan 500 min avro isə qrup mərhələsinin bütün iştirakçıları arasında qələbə sayına uyğun olaraq bölünəcək.

Əlavə olaraq, marketinq gəlirləri bir sıra amillərə, o cümlədən klubun məxsus olduğu ölkənin teleyayım bazarındakı çəkisinə görə paylanılacaq.

Beləliklə, ÇL-in qrupuna düşməklə 12,7 milyon avro qazanan “Qarabağ” iki heç-heçə etməklə, əlavə 1 milyon avro götürüb. 2017/2018 mövsümündə qrup mərhələsində 20 heç-heçənin qeydə alındığını nəzərə alsaq, bu, əlavə 10 milyon avro deməkdir. Lakin Ağdam klubu heç bir matçda qalibiyyət sevinci yaşamayıb.

Ötən mövsüm “Qarabağ” kimi 2 heç-heçə etməklə qrup mərhələsini sonuncu pillədə başa vuran İsveçrənin “Bazel” klubuna marketinq gəlirlərindən 2 milyon 568 min avro ödənilib. Bazardakı çəkisi Azərbaycana daha yaxın olan Xorvatiya təmsilçisi və qrup mərhələsini 0 xalla başa vuran Zaqreb 
“Dinamo”su isə 2 milyon 282 min avro qazanıb. Bu isə o deməkdir ki, "Qarabağ" ən pis halda təqribən 2 milyon 300 min avro marketinq pulu alacaq. Yəni, ümumi qazanc 16 milyon avro təşkil edəcək.

Qeyd edək ki, sxemə əsasən, 1/8 finala çıxan hər bir klub 6 milyon avro, 1/4 finala yüksələnlər 6,5 milyon avro əldə edəcək. Yarımfinalçılara 7,5 milyon, finalda məğlub olan kollektivə 11 milyon avro ödəniləcək. Turnirin qalibinə isə 15,5 milyon avro veriləcək.
Tarix: 7 Dekabr [11:50]
Oxunub: 96 dəfə
Müəllif: Aut.az

UEFA-dan “Qarabağ”a milyonlarla avro!

Aut.az

İsraildə doğulan futbolçu Azərbaycan millisində oynamaq istəyir

Aut.az

"Neftçi" Seneqal millisinin sabiq üzvünü transfer etdi

Aut.az

Birinci divizion: 5-ci turun oyun cədvəli məlum oldu

Aut.az

“Qarabağ” - “Zirə” oyununun vaxtı açıqlandı

Aut.az

Azərbaycan Premyer Liqasının 5-ci turunu neçə azarkeş izlədi?

Aut.az

Qurban Qurbanov: "Onu sosial şəbəkələrdə daha az görəcəksiniz"

aut.az

“Qarabağ” “Qəbələ”ni darmadağınla yola saldı

aut.az

"Qarabağ" - "Qəbələ" START HETƏTLƏR

Aut.az

Azərbaycan yığması Qazaxıstana uduzdu

Aut.az