"Panatinaikos" 3-cü liqaya düşür

Yunanıstanda 8 ildi davam edən maliyyə böhranı ölkənin köklü klublarından olan "Panatinaikos"u iflas həddinə gətirib. Məşhur klubun futbol komandası güclülər dəstəsini tərk edəcək, gələn mövsüm yeni adla 3-cü liqada mübarizə aparacaq.
 
"Panatinaikos" uzun müddətdi futbolçularına, məşqçilərinə, işçilərinə və federasiyaya borclarını ödəyə bilmir. Bu səbəbdən bir çox futbolçunun tezliklə FIFA-ya üz tutması gözlənilir.
 
Yunanıstan mediasının məlumatına görə, "Panatinaikos" bu mövsümün sonunda Super Liqanı tərk edəcək. Klubun adı dəyişdiriləcək və yeni mövsümdən 3-cü liqada mübarizəyə başlayacaq. 
 
"Gazeteduvar"ın məlumatına görə, "Panatinaikos"un yolunu bir neçə il əvvəl AEK klubu keçmişdi. İflasa uğrayan klubu 3-cü liqaya düşmüş və yenidən formalaşdırılaraq bir neçə il içində Super Liqaya və avrokuboklara dönmüşdü.
 
"Panatinaikos" artıq hazırlıqlara başlayıb. Klub gələn mövsüm üçün 17 gənc futbolçu ilə anlaşıb. 
 
 
Qeyd edək ki, "Panatinaikos" iki dəfə Avropa Liqaında "Qəbələ"yə rəqib olub. 2015/16 mövsümündə turnirin "pley-off" mərhələsində "qırmızı-qaralar"ın qarşısına çıxan yunan klubu mübarizəni dayandırmışdı. Bakıdakı oyun 0:0 hesabı ilə başa çatmış, cavab görüşündə "Qəbələ" qollu heç-heçə sayəsində mərhələ adlamışdı - 2:2.
 
"Panatinaikos" bu yay da Avropa Liqasının 3-cü təsnifat mərhələsində "Qəbələ"yə rəqib olmuşdu. Yunanıstan klubu evdə 1:0, Bakıda 2:1 hesablı qələbə qazanaraq növbəti mərhələyə çıxan tərəf olmuşdu.
 
Onu da qeyd edək ki, "Panatinaikos" klubu 1908-ci ildə yaradılıb. 109 yaşlı Afina klubu tarixi ərzində 20 dəfə Yunanıstan çempionu, 18 dəfə ölkə kubokunun, 3 dəfə Super Kubokunun qalibi olub. "Panatinaikos" 1985 və 1996-cı illərdə Çempionlar Liqasının yarımfinalında, 1971-ci ildə finalında oynayıb. 
Tarix: 14 Noyabr [18:40]
Oxunub: 110 dəfə
Müəllif: Aut.az

“Fənər”in prezidenti tarixə düşəcək - “Qalatasaray”ın stadionunda

Aut.az

Rusiya sanksiya tətbiq etdi - “Qarabağ”ın rəqibinin fəxri prezidentinə

Aut.az

Nurlan Novruzov oynadı

Aut.az

"Qalatasaray" "Fənərbaxça"ya qarşı - BU GÜN

Aut.az

Dəniz Yılmaz oynadı

Aut.az

Ayaz Quliyevin komandası 1/4 finalda

Aut.az

Şeydayevin komandası kubokla vidalaşdı

Aut.az

Ozan Can oynadı

Aut.az

Azarkeşlər oyun zamanı qapıçını və baş məşqçini vurdu - FOTOLAR

Aut.az

Arvadına 2 milyonluq "Gelandewagen" aldı

Aut.az