Əmrah Çəlikəl: "Gözlərim həmişə onu axtarır" - MÜSAHİBƏ

"Gözəl qələbə qazandıq. 1:0 hesablı qələbə də bizim üçün yaxşı oldu. Növbəti mərhələ oyununa yüksək əhval-ruhiyyədə çıxacağıq. Rəqibimiz sabah bilinəcək".
 
Bunu "Qarabağ"ın baş direktoru Əmrah Çəlikəl Gürcüstanda "Samtredia"nı 1:0 hesabı ilə yendikləri Çempionlar Liqasının II təsnifat mərhələsinin cavab görüşündən sonra deyib. Daha sonra Ə.Çəlikəl jurnalistlərin digər suallarını da cavablandırıb... 
 
- Sizin üçün Moldova "Şerif"i ilə Albaniya "Kukesi"si arasında fərq var?
- Kim düşürsə-düşsün, fərq etməz. Çünki oynamamaq kimi şansımız yoxdur. Düzdür, ilk oyunda 1:0 hesabı ilə qalib gəldiyi üçün hamı "Şerif"in mərhələ adlayacağını gözləyir. Amma tiraspolluların da qarşıda cavab oyunu var. Bunun nəticəsində hər şey bilinəcək. 
 
- Bəs "Qarabağ"a münasib rəqibin düşməsi fikri ilə razısınız?
- Xeyr. Bu, Çempionlar Liqasının təsnifat mərhələsidir. Ölkələrin birinci komandası ilə oynayırıq. Bu səbəbdən, zəif komanda olmur. Hansısa klub çempion olubsa, deməli, müəyyən gücə malikdir. Buna görə də hər hansı rəqibi kiçiltməyin, zəif görməyin heç birimizə xeyri yoxdur. Bu anlamda sizdən də kömək gözləyirəm. Yəni, zəif rəqib, zəif komanda ifadələri motivasiyaya təsir etməkdən başqa heç bir işimizə yaramayacaq. 
 
- Amma hər halda "Şerif" və ya "Kukesi" Çexiya "Viktoriya"sı, Avstriya "Zalsburq"u və Şotlandiya "Seltik"inə baxanda münasib rəqibdir...
- Bu, həqiqətən də belədirsə, bizi yalnız sevindirə bilər. Amma yenə də yüz faiz mərhələ adlayacağımız anlamına gəlməməlidir. 
 
- Nikaraqua millisinin futbolçusu Xuan Barreranın adı "Qarabağ"la hallanır...
- Hazırda yeni danışıq apardığımız futbolçu yoxdur. Barrera ilə danışıq aparmamışıq. 
 
- Yeni transferlər start heyətdə meydana çıxmışdılar. Necə təsir bağışladılar?
- Məncə, Qurban Qurbanovun fikri əsasdır. İnanıram ki, razı qalıb. Mən bu barədə bir söz deyə bilmərəm. 
 
- Əvvəllər danışıq apardığınız oyunçuların transferi istiqamətində yenilik var?
- Danışıqlar davam edir. Nəticə olmadan o barədə danışmağı düzgün hesab etmirəm. 
 
- Rəşad Sadıqovun meydanda yeri çoxmu görünürdü?
- Sizi bilmirəm, bir futbol azarkeşi kimi gözlərim onu həmişə axtarır.(Sportnet.az)
Tarix: 18 İyul [23:30]
Oxunub: 244 dəfə
Müəllif: Aut.az

Nazim Süleymanov hədəfini açıqladı: Avroliqaya vəsiqə...

Aut.az

“Mən futbolçunun saqqal saxlaması, namaz qılması haqda fikirləşməli deyiləm” – Qurban Qurbanov

Aut.az

“Futbolçularımızın əksəriyyətindən ciddi narahat və narazıyam” – Qurban Qurbanov

Aut.az

Ramin Quliyev: «Qurban Qurbanovun oğlu olduğu üçün Musanın kapitan seçilməsi haqqında deyilənlər boş söz-söhbətlərdi»

Aut.az

Qurban Qurbanov: "Sumqayıtda çempionluğu təmin etməyi hamımız istərdik"

Aut.az

Sərxan Abışov: "Məqsədimiz Moskvada ölkəmizi layiqincə təmsil etməkdi" - MÜSAHİBƏ

Aut.az

Emin Quliyev: “Şişiblər”, adam tanımırlar - MÜSAHİBƏ

Aut.az

Cavid Hüseynov Rasim Əliyevin öldürülməsi ilə bağlı ilk dəfə BÜTÜN GİZLİNLƏRİ AÇDI - MÜSAHİBƏ

Aut.az

“Qurban olmasaydı, 28 yaşımda karyeramı bitirmişdim” – Rəşad Sadıqov

Aut.az

Saşa Yunisoğlu: "40 yaşa qədər futbol oynaya bilərəm" MÜSAHİBƏ

Aut.az