İslamiadada qızıl qazanan taekvandoçumuz Ramin Əzizov: "İki dəfə ayağım sınmışdı..."

"Özümü çox xoşbəxt hiss edirəm. Son 3 saniyə mənə yuxu kimi gəlir. Desəm ki, baş məşqçimiz Reza Mehmandust sehrbazdı, inanmazsınız. Onun sonda dediyi taktika 100 faiz düzgün çıxır. Necə demişdisə, elə də oldu. Axır saniyələrdə ancaq onun söylədiklərin etdim. Bu da mənə uğur gətirdi". 

 

"Report"un məlumatına görə, bunu "Bakı 2017" IV İslam Həmrəyliyi Oyunlarında qızıl medal qazanan taekvondoçu Ramin Əzizov deyib.

 

87 kq çəki dərəcəsində mübarizə aparan idmançı bildirib ki, Reza Mehmandustun məşqləri İsamiadadan da çətindir: "Finaldakı rəqibim iranlı Əhməd Məhəmmədiyə dava əvvəl də qalib gəlmişdim. İki dəfə vurdum, siqnal xal vermədi. Deyəsən, mənə sürpriz etmişdi, sonda xal qeydə alındı".

 

 

- Çempionluqdan sonra göz yaşlarınızı saxlaya bilmədiniz... 

 

- İstəməzdim hisslərimi biruzə verim. Heç bir idmançıya zədə arzulamıram. İdmançının zədə ilə sınağa çəkilməsi çox pis şeydir. İki dəfə ayağım sınmışdı. Əksəriyyət idmana qayıdacağıma inanmırdı. Əsas odur ki, özümü sübut etdim. İnanmayanlar, inanmasın.

 

- Qələbəni həsr etdiyiniz tribunadakı şəxs kim idi? 

 

- Bəli, Vüqar Sultanova həsr etdim. O, mənə həm müəllim, həm ata, həm də qardaşdır. Bu yaxınlarda infarkt keçirib, əməliyyat oldu. Qələbəni onun ürəyinə həsr edirəm.

 

- Qarşıdakı dünya çempionatında da sizdən "qızıl" gözləyək? 

 

- Cənubi Koreyada keçiriləcək dünya çempionatında bürünc medal almışam. Burada da əlimdən gələni edəcəyəm.

 

- Amma yəqin ki, əsas hədəf olimpiya çempionu olmaqdır... 

 

- Gəlin, tələsməyək. Əvvəlcə dünya çempionatı, sonrasına baxarıq.

Tarix: 19 May [17:31]
Oxunub: 97 dəfə
Müəllif: Aut.az

Prezidentin idmançılarla maraqlı - FOTOLAR

Aut.az

Gələn il daha 3 Olimpiya Kompleksi tikiləcək

Aut.az

Anar Məmmədovun külli miqdarda borcu var: kütləvi istefalar başladı

Aut.az

“Qarabağ” Azərbaycanı ləyaqətlə təmsil etdi” - İlham Əliyev

Aut.az

Millimizin sabiq üzvü əkiz anası oldu

Aut.az

8 yaşlı azərbaycablı 2 qızıl medal qazandı

Aut.az

Polis millimizin üzvlərini saxladı - Azərbaycanda

Aut.az

Azərbaycan çempionatının "Sarı it"ləri - SİYAHI

Aut.az

Federasiya radikal qərarlarını açıqladı

Aut.az

Klub prezidenti axtarışda

Aut.az